ཁྱེད་ཉིད་གནས་ས།:མདུན་ངོས། > ལྗོངས་སྐོར།  > རང་བྱུང་མཛེས་ལྗོངས།

མཚོ་སྔོན་པོ།

རྩོམ་པ་པོ།      དུས་ཚོད།  2016-04-02 14:32:24     རྩོམ་ཁུངས།  རྔ་བའི་གསར་འགྱུར་དྲ་བ།


ZO9CP6)T3R}V}~GR5_[S2%C.png

       

        མཚོ་ཁྲི་ཤོར་རྒྱལ་མོ། མཚོ་སྔོན་པོ་ཁྲི་ཤོར་རྒྱལ་མོར་གྲགས་པ་ནི། མཚོ་སྔོན་ཞིང་ཆེན་མཚོ་ལྷོ་ཁུལ་དང་མཚོ་བྱང་ཁུལ་གཉིས་ཀྱི་བར་དུ་གནས་ཤིང་། མཚོའི་མཐའི་རིང་ཚད་ལ་སྤྱི་ལེ་སུམ་བརྒྱ་དྲུག་ཅུ་ཡོད་པ་དང་། མཚོ་ངོས་ལ་སྤྱི་ལེ་གྲུ་བཞི་མ་བཞི་སྟོང་དྲུག་བརྒྱ་སོ་ལྔ་ཡོད།གཡུ་ཡི་མེ་ལོང་དང་འདྲ་བའི་མཚོ་སྔོན་པོའི་མཐའ་སྐོར་ནི་མུ་མེད་ཀྱི་རྩྭ་ཐང་ཡིན་ལ། མཁའ་ན་སྤྲིན་དཀར་ལྡིང་ཞིང་ས་ན་ཕྱུགས་ཟོག་རྩེན་པའི་འདུ་འགོད་ཁྲོད་ན། མཚོ་སྔོན་པོ་དྭངས་ཤིང་གསལ་ལ་ཡིད་དུ་འོང་བའི་རྣམ་པ་དེས་ཀུན་ཡིད་དབང་མེད་དུ་འཕྲོག་པར་བྱེད་པ་ཡིན། མཚོ་སྔོན་པོའི་བྱ་གླིང་མཚེར་བ་རི་ནི་རྒྱལ་ཁབ་ཕྱི་ནང་གི་མགྲོན་པོ་འགུག་པའི་ལྕགས་ཀྱུར་གྱུར་ཡོད། མཚོ་འདི་ལ་མཚོ་སྙིང་མ་ཧཱ་དེ་བ་དང་། འདྲེ་མོ་བྲག་དཀར་ཞེས་པའི་རི་ཆུང་དེའུ་འབུར་གཉིས་ཀྱིས་མཚན་ཡོད་པ་དང་། མཚོ་སྙིང་འདིའི་སྟེང་བོད་ཀྱི་ལོ་རྒྱུས་ཐོག་གི་སྐྱེས་ཆེན་དུ་མ་ཞིག་གིས་སྒྲུབ་སྦྱོང་མཛད་མྱོང་ལ། ད་ལྟའང་རྟེན་གསུམ་མང་དུ་མཇལ་རྒྱུ་ཡོད། མཚོ་སྔོན་ཁྲི་ཤོར་རྒྱལ་མོ་དང་། མཚོ་སྙིང་མ་ཧཱ་དེ་བ། འདྲེ་མོ་བྲག་དཀར་བཅས་ལ་བོད་ཀྱི་ལོ་རྒྱུས་ཐོག་གི་མི་སྣ་མགར་སྟོང་བཙན་དང་འབྲེལ་བའི་ངག་རྒྱུན་ཉན་སྤྲོ་བ་ཞིག་ཀྱང་ཡོད། ད་རུང་མཁའ་སྤྱོད་མའི་ཞིང་ཁམས་སུ་འཆད་པས་དད་ལྡན་འདྲེན་པའི་ཞིང་མཆོག་ཅིག་ཡིན་པ་དང་། སློབ་དཔོན་པདྨས་གྲགས་པའི་མཚོ་ཆེན་བཞི་ལ་ཕྱག་རྗེས་བཞག་ཅེས་པའི་ཕྱག་རྗེས་ནམ་མཁའ་ནས་མཇལ་དུ་ཡོད་པ་དང་། ཨ་མྱེས་རྨ་ཆེན་གྱི་བཙུན་མོ་གནས་པའི་ཡུལ་དུའང་འཆད་པས་ལུག་ལོར་མཚོ་སྐོར་བྱེད་པའི་སྲོལ་ད་ལྟའི་བར་ཡོད།། 

པར་དབང་ནི་རྔ་བའི་གསར་འགྱུར་དྲ་བར་དབང་བས་གན་རྒྱ་དང་དབང་ཆ་སྤྲད་མེད་ཚེ་དྲ་ཐོག་ནས་ཕབ་མི་ཆོག

ཐོ་བདག་དབང་ཁྲོན་ ICP ཐོ་ཨང་ 11000567

འབྲེལ་གཏུག་ཁ་པར། 0837-2836568     ཡིག་སྒམ། abazwqmt@163.com

ལག་རྩལ་སྡེ་ཁག སི་ཁྲོན་ཧྲེན་ཀྲུའུ་ཡ་ཡུན་ཚན་རྩལ་ཚད་ཡོད་ཀུང་སི།