སློབ་མའི་སྐར་གྲངས་ཨང་རིམ་བསྒྲཊ་མི་རུང་བར་གཏན་འབེབས་བྱ་འཆར་ཡོད་པ།

རྩོམ་པ་པོ།   དུས་ཚོད།   2021-04-08   རྩོམ་ཁུངས།    ཀྲུང་གོའི་བོད་ལྗོངས་དྲ་བ།

        ཟླ་4པའི་ཚེས་6ཉིན། སློབ་གསོ་པུའུ་ཡིས་སྤྱི་བསྒྲགས་སྤེལ་ཏེ《ནར་མ་སོན་པའི་མིའི་སློབ་གྲྭའི་སྲུང་སྐྱོང་གཏན་འབེབས(བསམ་འཆར་བསྡུ་ལེན་མ་ཟིན)》ཐད་སྤྱི་ཚོགས་ལ་ཁ་ཕྱོགས་ནས་ཡོངས་བསྒྲགས་ངང་བསམ་འཆར་བསྡུ་ལེན་བྱས་པ་རེད།

        བསམ་འཆར་བསྡུ་ལེན་མ་ཟིན་ནང་དུ་སློབ་གྲྭས་སློབ་མའི་ཐོབ་ཐང་ལ་བརྩི་འཇོག་དང་སྲུང་སྐྱོང་བྱེད་པ་དང་། སློབ་མའི་མཚན་སྙན་ལ་བརྩི་འཇོག་དང་། སློབ་མའི་གཟི་བརྗིད་ཀྱི་འདུ་ཤེས་དང་འགན་འཁྲིའི་འདུ་ཤེས་སྐྱེད་སྲིང་བཅས་བྱ་དགོས་པ་དང་། སློབ་གྲྭས་སློབ་མར་གཟེངས་བསྟོད་དང་བྱ་དགའ་སྤྲོད་པའི་སྒྲིག་སྲོལ་དང་གོ་རིམ་བཙུགས་ནས་འཐུས་ཚང་དུ་གཏོང་བ་དང་། ཡོངས་བསྒྲགས་དང་། འདྲ་མཉམ། དྲང་གཞག་བཅས་ཡོང་བར་བྱ་དགོས་པ་བསྟན། 

       སློབ་གྲྭས་སློབ་མ་སྒེར་གྱི་རྒྱུགས་འབྲས་དང་ཨང་རིམ་ཡོངས་བསྒྲགས་བྱ་མི་ཆོག་པ་དང་། ཕྱི་ཕྱོགས་ལ་སློབ་མའི་སློབ་རིམ་འཕར་བའི་གནས་ཚུལ་དྲིལ་སྒྲོག་བྱ་མི་ཆོག་པ། བྱ་དགའ་སྤྲོད་པ་དང་རོགས་དངུལ་སྤྲོད་པ། དབུལ་ཕོངས་རོགས་སྐྱོར་ལ་རེ་ཞུ་བྱེད་པ་སོགས་ཀྱི་ལས་དོན་སྒྲུབ་རིང་དུ་སློབ་མ་སྒེར་དང་དེའི་ཁྱིམ་མིའི་གསང་བ་ཕྱི་ལ་བསྒྲགས་མི་ཆོག 

       སློབ་གྲྭས་སློབ་མ་སྒེར་གྱི་ཆ་འཕྲིན་བསྡུ་ལེན་བྱེད་སྐབས། ཁྱིམ་བདག་ལ་ཤེས་སུ་འཇུག་དགོས་པ་མ་ཟད། སློབ་མ་དང་དེའི་ཁྱིམ་ཚང་གི་ཆ་འཕྲིན་ལ་དོ་དམ་དང་གསང་སྲུང་གི་འོས་འགན་ཡང་འཁུར་དགོས་ལ། སྦ་གསང་དང་མེད་པར་བཟོ་བ། དེ་བཞིན་ཁྲིམས་འགལ་ངང་གསུབ་པ་དང་། ཁྱབ་བསྒྲགས་བྱེད་པ། ཉོ་ཚོང་བྱེད་པ་སོགས་བྱ་མི་ཆོག 

རྩོམ་སྒྲིག་པ། གཡུ་འཛོམས།