དཔྱིད་ཀ་སླེབས་བྱུང་།

དགུན་ཧ་ཅང་ཧ་ཅང་རིང་འདུག  

ངས་དགུན་མགོ་མ་ནས་དཔྱིད་ཀ་སླེབས་པར་རེ་སྒུག་བྱས་ཡོད།

མཁའ་དབྱིངས་སུ་འཕུར་བའི་བྱ་བྱིའུ་སྣ་ཚོགས་མིག་ཟུང་དུ་ཡང་ཡང་མངོན།

ཨ་ཨ། དཔྱིད་ཀ་སླེབས་བྱུང་། 

ངས་མཐོ་གངས་ལྗོངས་ནས་དཔྱིད་ཀྱི་དཔལ་ཡོན་བཞད་པར་རེ་སྒུག་བྱས་ཡོད།

དུས་འདིར། 

འདམ་གྱི་དྲི་ཞིམ་ཕྱོགས་བཞིར་ཁེངས་ཤིང་།

མེ་ཏོག་གི་བཀྲག་མདངས་རྣམ་པར་འཚེར།

སྐྱིད་འོས་པའི་དཔྱིད་ཀ་ནི་ང་ཚོའི་མིག་མདུན་དུ་ཤར་ཡོད། 

གྲོགས་བཟང་ལགས།

ཁྱེད་ཀྱི་འགྲམ་དུ་དཔྱིད་ཀ་འཁོར་ཡོད་དམ།     

རྩོམ་སྒྲིག་པ། ཚེ་པེ།