མི་ཟིན་པའི་ན་བུན།

རྩོམ་པ་པོ།   སྨྲ་བའི་རྒྱལ། དུས་ཚོད།   2020-11-20   རྩོམ་ཁུངས།    རྔ་བའི་གསར་འགྱུར་དྲ་བ།

ཁྱོད་རང་ག་ལེར་འཕུར་ཤོག་དང་།

ངས་ཁྱོད་ཀྱི་ལག་མཐིལ་དུ་ངལ་དུབ་སྤུངས་ཏེ།

སྐྱེ་བ་འདིའི་ཕངས་སེམས་ཡོད་ཚད།

ལས་ཀྱི་འབབ་ཚུགས་རྗེས་མར་བསྐྱུར་ཡོད།

ད་དུང་སྟོན་ཀ་འདིའི་ཞོགས་པ་བཞིན།

རབ་ཏུ་འཁྱགས་པའི་དྲི་བ་དག

མིག་ཆུའི་ནང་གི་མེ་ཏོག་དང་བསྣོལ་ཏེ།

ངས་རང་གི་དབུལ་ཕོངས་ཀྱི་དུས་ཚོད་སྤྱད་དེ།

སའི་གོ་ལའི་གནས་གཞན་ཞིག་ཏུ་བསྐྱལ་ཡོད།

ཁྱོད་རང་ག་ལེར་འཕུར་ཤོག་དང་།

དེའི་ཤུལ་དུ་ངས་སྟོང་བསམ་གྱི་མཛེས་པ་རེ་རེར།

ཚོན་བརྒྱབ་ནས་ཁྱོད་ཀྱི་སྐྲ་གསེང་དུ་བསྐུངས་ཡོད།

རྩོམ་སྒྲིག་པ།  གཡུ་འཛོམས།