ཉིན་ཉི་ཤུའི་རིང་། རང་ཁུལ་དུ་ཏོག་གསར་གློ་ཚད་ནད་པ་གསར་དུ་བྱུང་མེད།

རྩོམ་པ་པོ།   ཨོ་རྒྱན་བཀྲ་ཤིས།དུས་ཚོད།   2020-02-20   རྩོམ་ཁུངས།    རྔ་བའི་གགསར་འགྱུར་དྲ་བ།

     ཟླ་2ཚེས་19ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རྔ་བ་ཁུལ་གྱིས་ཏོག་དབྱིབས་ནད་དུག་གསར་བའི་གློ་ཚད་སྔོན་འགོག་དང་ཚོད་འཛིན་གྱི་ལས་ཀ་སྒྲུབ་པ་གཤམ་གསལ།   

      གཅིག རིམས་ནད་སྔོན་འགོག་དང་ཚོད་འཛིན་གྱི་བྱེད་སྒོ་སྤེལ་བའི་གནས་ཚུལ།      

      ཟླ་2ཚེས་20ཉིན་གྱི་ཕྱི་དྲོའི་ཆུ་ཚོད་དང་པོའི་བར་དུ། རང་ཁུལ་དུ་ཏོག་དབྱིབས་ནད་དུག་གསར་བའི་གློ་ཚད་ནད་པ་གསར་དུ་བྱུང་མེད། ད་སྔ་བར་དུ་ནད་པ་གཅིག་བྱུང་ཡོད་པ་དེ་ད་ལྟ་དྲག་སྐྱེད་བྱུང་སྟེ་སྨན་ཁང་ནས་ཕྱིར་བུད་ཅིང་ཁྱིམ་དུ་བཀར་ཡོད། དོགས་ཡོད་ནད་པ་11ལ་ནད་མེད་གཏན་འཁེལ་བྱས། 
      ཁུལ་རིམས་ནད་སྔོན་འགོག་ཚོད་འཛིན་ལྟེ་གནས་སུ་ཁྱོན་ཡོན་བརྟག་དཔྱད་ཚད་ལེན་གྱི་ནད་དཔེ་224འབྱོར་ཡོད་པ་ལས། རིམས་ནད་འགོས་པ་གཏན་འཁེལ་བྱས་ཡོད་པའི་ནད་གཞི་གཅིག་པུའི་(ཀུའོ་ཆེ་གེ་མོ)ཞིབ་དཔྱད་ཚད་ལེན་གྱི་འབྲས་བུ་གདགས་གཤིས་ཡིན་པ་ཕུད། གཞན་པའི་ནད་གཞི་223ཚང་མའི་ཞིབ་དཔྱད་ཚད་ལེན་གྱི་འབྲས་སུ་སྲིབས་གཤིས་ཡིན་པ་རེད། 

      གཉིས། རིམས་འགོག་གི་སྡིངས་ཆ་བཙུགས་པའི་གནས་ཚུལ།  

      རིམས་འགོག་གི་སྡིངས་ཆ་བཙུགས་པར་མ་ཟད་མུ་མཐུད་དུ་ཤུགས་བསྣན་ནས། རིམས་འགོག་གི་ལས་སྣེ་བ་1591དང་དམག་མི་589བཀོད་སྒྲིག་བྱས་ཏེ། བསྡོམས་པས་རིམས་འགོག་གི་ལས་སྣེ་བ་མི་ཐེངས་22525དང་དམག་མི་ཐེངས་13605བཀོད་སྒྲིག་བྱས། རྫོང་(གྲོང་ཁྱེར)སོ་སོའི་འགྲིམ་འགྲུལ་གྱི་འགག་མདོ་རུ་རིམས་འགོག་གི་སྡིངས་ཆ་64གསར་དུ་བཙུགས་ཏེ། མི་དང་རླངས་འཁོར་འགྲོ་འོང་ལ་དུས་ཚོད་ཉེར་བཞིའི་རིང་བརྟག་དཔྱད་གནད་དུ་འཐིང་བར་བྱས། སྔ་ཕྱིར་རླངས་འཁོར་ཐེངས་235246ལ་བརྟག་དཔྱད་བྱས་པར་མ་ཟད། མི་ཐེངས་577627ལ་བརྟག་དཔྱད་བྱས་པས་དོགས་ཡོད་ནད་པ་གཅིག་ཀྱང་རྙེད་མེད། སྨན་བཅོས་ལས་ཁུངས་དང་རིམས་འགོག་གི་སྡིངས་ཆ་གཙོ་བོ་ཡོད་སའི་ས་ཁྱོན་སྤྱི་ལེ་གྲུ་བཞི་མ་2388.45རུ་དུག་སེལ་གྱི་ལས་ཀ་ནན་གྱིས་བསྒྲུབས།      

       གསུམ། ཕྱིར་ལོག་པའི་མི་གྲངས་ཀྱི་གནས་ཚུལ།    

       ཟླ་2ཚེས་20ཉིན་གྱི་ཕྱི་དྲོའི་དུས་ཚོད་དང་པོའི་བར་དུ། རང་ཁུལ་དུ་ཧུའུ་པེ་ཞིང་ཆེན་ནས་ཕྱིར་ལོག་པའི་མི་1278ཡོད་ལ་དེ་དག་གཙོ་བོ་མའོ་རྫོང་དང་ཝུན་ཁྲོན་རྫོང་། ཆུ་ཆེན་རྫོང་། ཁྲོ་ཆུ་རྫོང་། གཟི་རྩ་སྡེ་དགུ་རྫོང་། རྔ་བ་རྫོང་སོགས་ཀྱི་ས་ཁུལ་དུ་ཕྱིར་ལོག་པ་ཡིན་པས་ས་ཁུལ་དེ་དག་ཏུ་ལྟ་སྐུལ་དང་དོ་དམ་ལས་ཀར་ཤུགས་བསྣན། མིག་སྔའི་བར་དུ་དོགས་ཡོད་མི་སྣ་གཅིག་ཀྱང་མ་རྙེད། 

      བཞི། དམིགས་བཙུགས་སྨན་ཁང་གི་བྱ་བའི་གནས་ཚུལ།  

      ཁུལ་ཡོངས་སུ་ཚ་བ་རྒྱས་པའི་སྨན་བཅོས་ལས་ཁུངས་253ལྷག་བཀོད་སྒྲིག་བྱས། ཟླ་2ཚེས་19ཉིན་གྱི་དུས་ཚོད་0ནས་24བར་དུ། ཁུལ་ཡོངས་ཀྱི་ཚ་བ་རྒྱས་པའི་སྒོ་བསྟེན་ཁང་དུ་ནད་པ་49ལ་སྣེ་ལེན་སྨན་བཅོས་བྱས་པ་དང་། མི་10ཤུལ་དུ་བཞག་ནས་བརྟག་དཔྱད་བྱས། ཁུལ་ཡོངས་ཀྱི་ཚ་རྒྱས་སྒོ་བསྟེན་ཁང་དུ་མི་1991ལ་སྣེ་ལེན་སྨན་བཅོས་བྱས་པ་དང་། མི་198ཤུལ་དུ་བཞག་ནས་བརྟག་དཔྱད་བྱས། 

     ལྔ། མི་སྣ་གཙོ་བོའི་རིམས་ནད་སྔོན་འགོག་དང་ཚོད་འཛིན་གྱི་གནས་ཚུལ།   

      ཁུལ་ཡོངས་སུ་གཅིག་བསྡུས་ཀྱིས་བརྟག་དཔྱད་བྱེད་ས་64བཙུགས་པ་དང་། གཅིག་བསྡུས་ཀྱིས་ལོགས་སུ་བཀར་བའི་ཁང་མིག་964བཙུགས་ཏེ། གཅིག་བསྡུས་ཀྱིས་མི་120ཤུལ་དུ་བཞག་ནས་བརྟག་དཔྱད་བྱས། ཁྱིམ་དུ་བཀར་བའི་མི་5883ཡོད། མིག་སྔར། གཅིག་བསྡུས་ཀྱིས་ཤུལ་དུ་བཞག་ནས་བརྟག་དཔྱད་བྱེད་སའི་མི་404དང་ཁྱིམ་དུ་བཀར་བའི་མི་9528བཅས་གློད་པ་རེད།

      དྲུག ཁོར་ཡུག་བཅོས་སྐྱོང་གི་བྱ་བའི་གནས་ཚུལ།   

      རྫོང་(གྲོང་ཁྱེར)བཅུ་གསུམ་དང་གྲོང་གསེབ་ཁ་ཤས་སུ་སྨན་ཆས་གད་སྙིགས་གཅིག་བསྡུས་ཀྱིས་བསྡུ་ས་བཙུགས་པ་དང་། ཁ་རས་དང་བདེ་ཐང་ལ་གནོད་པའི་གད་སྙིགས་ཟོ་བ་2181བསྡུས། རྫོང་(གྲོང་ཁྱེར)སོ་སོ་ཡི་སྤྱི་པའི་གཙང་སྤྱོད་ཁང་དང་སྙིགས་སྒམ། སྤྱི་གླིང་། སྲང་བར་ཆེ་མ་ཆུང་གསུམ་གྱི་ཁོར་སྲུང་བཅོས་སྐྱོང་སོགས་ལ་ཤུགས་བསྣན།   
རྩོམ་སྒྲིག་པ། ཚེ་པེ།  གཡུ་འཛོམས།