འོ་མ་འཐུང་སྐབས་འདི་དག་མཉམ་དུ་ཟ་མི་རུང་།

རྩོམ་པ་པོ།   དུས་ཚོད།   2020-01-08   རྩོམ་ཁུངས།    བོད་ལྗོངས་ཉིན་རེའི་ཚགས་པར།

          འོ་མས་མིའི་གཟུགས་པོར་ཞེ་དྲག་ཕན་གྱི་ཡོད་པ་མི་མང་པོས་མཁྱེན་གྱི་ཡོད།  ཡིན་ནའང་། གལ་སྲིད་འོ་མ་འཐུང་སྐབས་ཟས་རིགས་འདི་དག་བཟས་པ་ན། ཕན་རྒྱུ་ཕར་ཞོག དེ་ལས་ལྡོག་སྟེ། གཟུགས་པོར་གནོད་ཀྱི་ཡོད། བྱས་ཙང་། ང་ཚོས་འོ་མ་འཐུང་དུས་འདི་དག་ལ་ཡིད་གཟབ་གནང་དགོས།

གཅིག འོ་མ་བཏུངས་པའི་སྔ་རྗེས་ཀྱི་ཆུ་ཚོད་གཅིག་གི་ནང་ཚུན་དུ་ཚ་ལུ་མ་ཟ་རྒྱུ་མེད། གལ་ཏེ་བཟས་པ་ཡིན་ན། འོ་མ་དང་ཚ་ལུ་མ་བསྡོམས་ནས་ཕོ་བས་འཇུ་དཀའ་བས་གྲོད་པ་བཤལ་བ་སོགས་ཡོང་སྲིད།

གཉིས། འོ་མ་འཐུང་རྗེས་ལམ་སེང་ཤིང་ཏོག་གི་ཁུ་བ་མཆོད་རྒྱུ་མེད། གང་ཡིན་ཟེར་ན། ཤིང་ཏོག་གི་ཁུ་བས་འོ་མ་འཇུ་དཀའ་རུ་གཏོང་གི་ཡོད་པས། ཕོ་བར་ཞོར་སྐྱོན་བཟོ་ཡི་ཡོད།

གསུམ། འོ་མ་སོས་པ་སྐོལ་སྐབས་ལམ་སེང་མངར་ཆ་རྒྱག་རྒྱུ་མེད། ཡག་ཤོས་བྱུང་ན་འོ་མ་བསྐོལ་ནས་དུས་ཚོད་གང་མཚམས་སོང་རྗེས་གཞི་ནས་མངར་ཆ་བརྒྱབ་ན་འཚམ་པོ་ཡོད།

           ཞོར་དུ་ཞུ་རྒྱུར།   མི་ཁ་ཤས་ཞོགས་པ་ཕོ་བ་སྟོང་པར་འོ་མ་འཐུང་རྒྱུར་དགའ་པོ་ཡོད།  དེ་ལྟར་བྱས་ན། གཟུགས་པོར་ཕན་པ་ཆེ་སྙམ་མོད། དོན་དུ་འོ་མ་འཐུང་སྟངས་འདི་ཚན་རིག་དང་མཐུན་པ་ཞིག་མ་རེད།  བྱས་ཙང་། ཞོགས་ཟས་བཟས་རྗེས་ཀྱི་ཆུ་ཚོད་གཅིག་ནས་གཉིས་ཀྱི་ནང་ཚུན་དུ་འཐུང་དགོས་སོ།།

རྩོམ་སྒྲིག་པ། ཚེ་པེ།  གཡུ་འཛོམས།