དཀར་ལས་དང་དཀར་ཟས།

རྩོམ་པ་པོ།   དུས་ཚོད།   2019-05-28   རྩོམ་ཁུངས།    རྔ་བའི་གསར་འགྱུར་དྲ་བ།

             སྤྱིར་བཏང་དུ་འབྲོག་པར་ནངས་ཇ་དང་།  དྲོས་ཇ།  ནུབ་ཇ་གསུམ་དུ་དབྱེ་ནས་ཟ་མ་བཟའ་སྲོལ་ཡོད་ལ།  དེའི་ཁར་དགོང་ཇ་སྣོན་པའང་ཕལ་ཆེར་དུ་སྣང་། 

             ནངས་ཇ་ལ་ཕལ་ཆེར་གྱིས་འོ་ཇ་དང་མར་ཕྱུར་རྩམ་གསུམ་གྱིས་གཏུལ་མ་བྱས་ན།  སྟབས་བདེ་ལ་ཟས་བཅུད་ཀྱི་མཆོག་ཏུ་བརྩི།

             དྲོས་ཇ་ལ་ཡང་རྩམ་པ་བརྫིས་ནས་ཟ། 

             དགུང་ཇ་ནི་ཕྱི་དྲོ་ཁ་གསབ་ཀྱི་ཚུལ་ཡིན།

             ནུབ་ཇ་ལ་ནུབ་ཚ་ཟེར་ན་ཇ་ཐུག་ཅི་འཛོམས་བྱེད།  ནུབ་ཇའི་འཕྲོ་ལ་ཞོ་འཐུང་ན།  ཟས་འཇུ་ཞིང་ཕོ་བ་བདེ་ལ་གཉིད་སྐྱིད་པ་སོགས་ཀྱི་ཕན་ནུས་ཡོད་པས།  ཆུང་བཞི་དང་རྒས་བཞི་ལ་གལ་ཆེན་བྱེད།  ཟས་སྣ་དཀར་གསུམ་མངར་གསུམ་སོག་བཟའ་བཏང་གི་མགོ་ལ།  སོ་སོའི་ཡིད་ཀྱི་མོས་པ་བསྐྱེད་པའམ་ཡང་ན་ངག་དང་ལག་གིས་དཀོན་མཆོག་གསུམ་ལ་མཆོད་འབུལ་རེ་མི་བྱེད་པ་མེད། 

              འབྲོག་མི་ཚོར་མཚོན་ན་རྒྱུན་སྤྱོད་ཁ་ཟས་མེད་དུ་མི་རུང་བ་ནི་ཇ་མར་རྩམ་གསུམ་ཡིན།  མར་ཕྱུར་དང་། ཞོ།  འོ་མ་གསུམ་ལ་དཀར་གསུམ་ཟེར།  འབྲོག་མིའི་ཁྱད་པར་གྱི་ཟས་སྣ་ནི་ཤ་ཐུད་གོར་གསུམ་ཡིན།  མི་ཕྱུགས་ཀུན་ལ་མཁོ་བ་ནི་ཚྭ་ཁུ་ཡིན།  ཟས་སྣ་འདི་དག་བསྒྲིགས་འཛོམས་ཀྱི་ཆ་རྐྱེན་ནི་འབྲོག་ཁྱིམ་ཀུན་ལ་ཡོད་ཀྱང་དཀོན་མོད་ཀྱི་ཁྱད་པར་ཙམ་ཡོད།  ཇ་ཐོག་ཀུན་ལ་མ་སྲུས་ལག་མ་བྱས་ནས་མཉམ་དུ་ཟ་བཏུང་བྱེད།  ལག་མ་སུ་ཡིན་ཡང་ལག་པ་གཡས་པས་གཞན་ལ་ཇ་བསུ་བ་དང་།  ལག་པ་གཉིས་ཀྱིས་གསོལ་ཇ་སྟེར་བ།  གོང་རིམ་དང་རྒན་རིམ་གྲོགས་མགྲོན་སོགས་བཞུགས་པའི་མདུན་ན་མི་འགྲོ་བ།  ཁྱད་པར་དུ་རྒྱབ་བསྟན་ནས་མི་འགྲོ་བ་སོག་ཀྱི་གོམས་སྲོལ་ཡོད།  

རྩོམ་སྒྲིག་པ།  ཚེ་པེ།