ཕྱུགས་རིགས་ཀྱི་ལོ་གྲངས་མཚོན་པའི་མིང་གི་རྣམ་གྲངས།

རྩོམ་པ་པོ།   དུས་ཚོད།   2018-01-04རྩོམ་ཁུངས།    རྔ་བའི་བརྙན་འཕྲིན་ཁང་གི་བོད་ཡིག་འཕྲིན་སྟེགས།

རྟའི་སྐོར།

                                                                         ལོ་གཅིག་ཅན་ལ་རྟེའུ་དང་མོ་རྟེའུ་ཟེར།།

ལོ་གཉིས་ཅན་ལ་ཐོ་རུ་དང་ཐོ་མོ་དང་།།

ལོ་གསུམ་ཅན་ལ་རྒྱེའུ་དང་རྒྱ་མོ་ཟེར།།

ལོ་བཞི་ཅན་ལ་ཕོག་བཞི་ཟེར་བ་དང་།།

ལོ་ལྔ་ཅན་ལ་ན་སོ་གཅིག་པ་དང་།།

ལོ་དྲུག་ཅན་ལ་ན་སོ་གཉིས་པ་ཟེར།།

དེ་ལྟར་བགྲང་ན་རྟ་ཡི་ལོ་གྲངས་ངེས།།

ཟོག་གི་སྐོར།

ལོ་གཅིག་ཅན་ལ་བེའུ་དང་མོ་བེའུ་ཟེར།

 ལོ་གཉིས་ཅན་ལ་ཡ་རུ་དང་ཡ་མོ་དང་།

 ལོ་གསུམ་ཅན་ལ་ཤད་དང་ཤད་མོ་དང་།

 ལོ་བཞི་ཅན་ལ་སོ་གཉིས་སོ་གཉིས་མ།

ལོ་ལྔ་ཅན་ལ་སོ་བཞི་སོ་བཞི་མ།

ལོ་དྲུག་ཅན་ལ་སོ་དྲུག་སོ་དྲུག་མ།

ལོ་བདུན་ཅན་ལ་ཁ་གང་ཁ་གང་མ།

     ཁ་གཉིས་ཁ་གསུམ་ཞེས་པའི་མིང་བགྲངས་ན།

  ཟོག་གི་སྐོར་གྱི་ལོ་གྲངས་ཡིན་པར་ངེས།

ལུག་གི་སྐོར།

ལོ་གཅིག་ཅན་ལ་ལུ་གུ་མོ་ལུག་དང་།

    ལོ་གཉིས་ཅན་ལ་ལག་ག་ལག་མོ་དང་།

    ལོ་གསུམ་ཅན་ལ་ཐོང་བ་འཚེར་མོ་དང་།

    ལོ་བཞི་ཅན་ལ་སོ་བཞི་སོ་བཞི་མ།

  ལོ་ལྔ་ཅན་ལ་སོ་དྲུག་སོ་དྲུག་མ།

   ལོ་དྲུག་ཅན་ལ་ཁ་གང་དང་།

    ཁ་གཉིས་ཁ་གསུམ་ཞེས་པ་བཅས།

   ལུག་གི་ལོ་ཚད་རྩི་ཚུལ་ཡིན།

རྩོམ་སྒྲིག་པ། ཚེ་པེ། གཡུ་འཛོམས།