• གྲོང་ཁྱེར་110ལ་ཁ་ལོ་བའི་གློག་རྡུལ་ལག་ཁྱེར་ཁྱབ་གདལ་གཏང་རྒྱུ་རེད།

    ཚེས་13ཉིན་གསར་འགོད་པས་སྤྱི་བདེ་པུའུ་ནས་ཤེས་རྟོགས་བྱུང་གསལ། འདི་ལོའི་ཟླ་10ཚེས་20ཉིན་ནས་བཟུང་རྒྱལ་ཡོངས་སུ་ཁག་དང་པོའི་ཁྱབ་གདལ་བེད་སྤྱོད་ཀྱི་རྨང་གཞིའི་ཐོག་ཁ་ལོ་བའི་ལག་ཁྱེར་གློག་རྡུལ་ཅན་སྤྱི་བདེ་འགྲིམ་འགྲུལ་དོ་དམ་གྱི་སྟབས་བདེ་བྱ་ཐབས་དེ་ཐའེ་ཡོན་དང་ཧྲེན་དབྱང་། ཧའར་པིན་སོགས་གྲོང་ཁྱེར་110ལ་ཁག་གཉིས་པར་ཁྱབ་གདལ་བེད་སྤྱོད་གཏོང་རྒྱུ་ཡིན་པ་རེད། ཁག་གཉིས་པའི་ཁྱབ་གདལ་བེད་སྤྱོད་གྲོང་ཁྱེར་110ཡིས་ཟླ་10ཚེས་20ནས་ཚེས་26ཉིན་བར་དྲ་ཐོག་ཏུ་ཁ་ལོ་བའི་གློག་རྡུལ་ལག་ཁྱེར་ལེན་པའི་ནུས་པ་ཐོན་རྒྱུ་དང་ཁ་ལོ་བས་ས་གནས་དེ་གར་སྤྱོད་པའི་དུས་ཚོད་དང་བསྡུར་ནས་བཀོད་སྒྲིག་བྱེད་ཆོག་པ་མ་ཟད། རྒྱལ་ཡོངས་གཅིག་གྱུར་གྱི“འགྲིམ་འགྲུལ་དོ་དམ་12123”Appབརྒྱུད་གློག་རྡུལ་ཁ་ལོ་བའི་ལག་ཁྱེར་ལེན་ཆོག་གི་ཡོད་པ་རེད། གོམ་སྟབས་རྗེས་མར་སྤྱི་བདེ་པུས་ཁ་ལོ་བའི་གློག་རྡུལ་ལག་ཁྱེར་རྒྱལ་ཡོངས་ཀྱི་ཁྱབ་ཁོངས་ནང་ཁྱབ་གདལ་དང་བེད་སྤྱོད་མགྱོགས་སུ་གཏོང་རྒྱུ་ཡིན་པ་རེད།

  • མཛོད་དགེ་རྫོང་གིས་རྩྭ་ཐང་གི་སྐྱེ་ཁམས་དཔལ་ཡོན་མགྱོགས་མྱུར་ངང་འཛུགས་སྐྱོང་བྱས།

    ཉེ་བའི་ལོ་ཤས་རིང་། མཛོད་དགེ་རྫོང་གིས་རྣམ་གྲངས་འདེགས་སྐྱོར་དང་དོ་དམ་སྲུང་སྐྱོང་འགན་ལེན་བྱས་ནས། རིམ་རྩིས་བརྒྱབ་ན་མ་དངུལ་སྒོར་དུང་ཕྱུར་4.1བཏང་ནས་སྔ་རྗེས་སུ་རྒྱལ་ཁབ་ཀྱི་གཙོ་གནད་སྐྱེ་ཁམས་ནུས་པའི་ཁུལ་གྱི་གཞན་སྒྱུར་གཏོང་སྤྲོད་བྱ་ཡུལ་སི་ཁྲོན་ནུབ་རྒྱུད་ཀྱི་ས་མཐོའི་སྐྱེ་ཁམས་ཉམས་ཞན་ཁུལ་ཕྱོགས་བསྡུས་བཅོས་སྒྲིག་སོགས་ཀྱི་རྣམ་གྲངས་ལག་བསྟར་བྱས་ཏེ་སྐྱེ་ཁམས་དང་དམངས་འཚོ་ཟུང་འབྲེལ་བྱས་ཡོད།

  • རི་བཙུན་མ།

    རི་བཙུན་མ་ནི་ཧུང་ཡོན་རྫོང་ཨ་མོས་ཡུལ་ཚོའི་ལྷོ་ནུབ་ཕྱོགས་ཀྱི་སྤྱི་ལེ41ཙམ་སོང་བའི་མཚམས་སུ་ཡོད་ལ། དེ་བྱང་གི་འཕྲེད་ཐིག32.6023དང་། ཤར་གྱི་གཞུང་ཐིག102.7374ཡི་མཚམས་སུ་ཡོད་ལ། མཚོ་ངོས་མཐོ་ཚད་སྨི4566ཡིན།

  • མཛོད་དགེ་རྫོང་གིས་ཐོན་ལས་འཕེལ་རྒྱས་ཀྱི་རྨང་གཞི་སྲ་བརྟན་དུ་བཏང་།

    ཉེ་བའི་ལོ་ཤས་རིང་། མཛོད་དགེ་རྫོང་གིས་ཐོན་ལས་འཕེལ་རྒྱས་གཏོང་རྒྱུ་དེ་ལས་དོན་གཙོ་བོར་བརྩིས་ཤིང་། ཡུལ་བབ་དང་བསྟུན་པའི་བསམ་ཕྱོགས་གཞིར་བཟུང་སྟེ། རྟེན་གཞི་བསྐྲུན་པ་དང་ལས་སྟེགས་བཏོད་པ། གྲུབ་ཆ་ལེགས་སྒྲིག ཚོང་རྟགས་གཏོད་པ། མཉམ་འདྲེས་ལ་སྐུལ་སྤེལ་བཏང་ནས་ཐོན་ཁུངས་ཀྱི་ལེགས་ཆ་དེ་ཐོན་ལས་ཀྱི་ལེགས་ཆ་དང་འཕེལ་རྒྱས་ཀྱི་ལེགས་ཆར་བསྒྱུར་ནས་གྲོང་གསེབ་དར་རྒྱས་གཏོང་བར་སྒུལ་ཤུགས་ཆེན་པོ་བསྣན་ཡོད།

རྔ་བ་རྫོང་ཨ་འདུས་བོད་སྤོས་བཟོ་གྲྭར་ལས་བཟོ་བ་ཚོས་སྤོས་ལ་ཐུམ་སྒྲིལ་བྱེད་བཞིན་ཡོད། བོད་སྤོས་འདི་ནི་སྲོལ་རྒྱུན་གྱི་སྤོས་བཟོ་བའི་ལག་ཤེས་རྒྱུན་འཛིན་བྱེད་པའི་རྨང་གཞིའི་ཐོག་ཞིབ་བཟོ་བྱས་ཤིང་། པེ་ཅིང་དང་ཧྲང་ཧའེ། ཀྲེ་ཅང་སོགས་ཀྱི་འཛད་སྤྱོད་པས་ཧ་ཅང་དགའ་བསུ་ཐོབ་ཀྱིན་ཡོད།

དགེ་སློབ་ཚོའི་དྲ་རྒྱའི་བདེ་འཇགས་འདུ་ཤེས་སྔར་ལས་ཇེ་ཆེར་བཏང་སྟེ། དྲ་རྒྱའི་བདེ་འཇགས་མཉམ་སྐྲུན་དང་དྲ་རྒྱའི་ཤེས་དཔལ་མཉམ་སྤྱོད་བྱས་ནས་ཞི་མཐུན་གྱི་དྲ་རྒྱའི་ཁོར་ཡུག་གཏོད་ཆེད། ཉེ་ཆར། མཛོད་དགེ་རྫོང་སྟག་ཚ་གྲོང་རྡལ་སློབ་ཆུང་གིས་དྲ་རྒྱ་བདེ་འཇགས་ཡིན་ལ་ཡ་རབས་དྲ་ཞུགས་ཞེས་པ་བརྗོད་གཞིར་བཟུང་བའི་སློབ་གསོའི་དྲིལ་སྒྲོག་བྱེད་སྒོ་སྤེལ།

ལོ་གཅིག་ལྷག་གི་སྔོན་དུ། ལོ་30ལ་སླེབས་པའི་ལྷ་མོས་སི་ཁྲོན་རྔ་བའི་རང་ཁྱིམ་དུ་ཐད་གཏོང་བྱེད་སྐབས་ཁྱོ་ག་སྔོན་མ་སྟེ་ཐང་ཆེ་གེ་མོས་ལྷ་མོ་གསོན་བསྲེགས་བྱས་པས་ཟླ་ཕྱེད་ལྷག་མྱུར་སྐྱོབ་བྱས་ཀྱང་ཕན་ནུས་མ་ཐོན་སྟབས་འཇིག་རྟེན་མི་ཡུལ་འདི་དང་གཏན་དུ་བྲལ་ཡོད། སྤྱི་ཟླ་10ཚེས་10ཉིན། ལྷ་མོའི་གཅེན་མོ་སྒྲོལ་མས་གསར་འགོད་པར་གྱོད་གཞི་དེ་མི་རིང་བའི་སྤྱི་ཟླ་10ཚེས་14ཉིན་རྔ་བ་ཁུལ་འབྲིང་རིམ་མི་དམངས་ཁྲིམས་ཁང་གིས་ཁྲིམས་ར་འཚོག་རྒྱུ་ཡིན་པ་དང་། རིམས་ནད་སོགས་ཀྱི་དབང་གིས་ཝུན་ཁྲོན་དུ་འདྲི་གཅོད་བྱ་རྒྱུ་རེད་ཅེས་བརྗོད་ཡོད།

སྟོན་ཁར་ཁོག་པ་བཤལ་བ་དེ་འཁོར་དབྱིབས་ནད་དུག་གཙོ་ཡིན་པའི་རྒྱུ་ལམ་གྱི་ནད་དུག་རིགས་ཤིག་རེད། དེ་ལས་འཁོར་དབྱིབས་ནད་དུག་ནི་ཆེས་རྒྱུན་མཐོང་རེད། དེ་བས་འཁོར་དབྱིབས་ནད་དུག་གི་རྒྱུ་མའི་གཉན་ཚད་ལ་སྟོན་ཁའི་བཤལ་ནད་ཀྱང་ཟེར། ལོ་རེའི་ཟླ་བཅུ་བ་ནས་ཕྱི་ལོའི་ཟླ་གཉིས་པའི་བར་ནི་ནད་དེ་མཆེད་ཚད་ཆེ་བའི་དུས་ཚིགས་རེད། ལོ་ཆུང་བྱིས་པའི་ཕོ་རྒྱུའི་ནུས་པ་ད་དུང་འགྲུབ་ཡག་མིན་པ་དང་ནད་འགོག་ནུས་པ་ཞན་པས། འཁོར་དབྱིབས་ནད་དུག་འགོས་སླ་བ། སྟོན་ཁར་ཁོག་པ་བཤལ་བ་དེ་ཟླ་དྲུག་ནས་ལོ་གཉིས་བར་གྱི་བྱིས་པར་འབྱུང་ཚད་མཐོ། དེར་བརྟེན། ལོ་གཉིས་མན་གྱི་བྱིས་པ་ནི་སྟོན་ཁའི་བཤལ་ནད་སྔོན་འགོག་ཡུལ་གཙོ་བོ་ཡིན།